Nunavut Arctic College

Switch to desktop

2016/17-ᒥ ᐊᕙᑎᓕᕆᓂᕐᒥ ᓴᓇᕐᕈᑎᒋᔭᐅᕙᒃᑐᓄᑦ

ᐱᓕᕆᐊᖑᔪᖅ ᐱᔾᔪᑎᒋᓪᓗᒍ

ᐊᕙᑎᓕᕆᓂᕐᒥ ᓴᓇᕐᕈᑎᒋᔭᐅᕙᒃᑐᓄᑦ ᐃᓕᓐᓂᐊᕈᑎᒋᔭᐅᔪᓐᓇᕐᑐᖅ ᐅᑭᐅᓐᓄᑦ ᒪᕐᕉᓐᓄᑦ ᐃᓕᓐᓂᐊᕌᓂᒍᑎᑖᕐᕕᐅᔪᓐᓇᖅᑐᓂ ᐱᓕᕆᐊᖑᕗᖅ ᐃᓕᓐᓂᐊᕈᑎᖃᕐᓂᕐᒥᓐᓂ ᐃᓕᓐᓂᐊᕐᕕᒻᒥ ᐊᒻᒪᓗ ᐊᑐᕐᓂᖃᓪᓚᕆᖕᓂᐊᖅᑐᓄᑦ ᖃᐅᔨᓴᕐᕕᖕᒥ ᐊᒻᒪᓗ ᓄᓇᒥ ᐱᓕᕆᐊᖃᖅᓯᒪᓂᖅᑎᒍᑦ ᐃᓕᓐᓂᐊᕈᑎᖃᖅᑎᑕᐅᕙᓐᓂᐊᖅᐳᑦ ᐃᓕᓐᓂᐊᖅᑎᑕᐅᔪᑦ ᐊᔪᖖᒋᓐᓂᖃᓕᖅᑎᑕᐅᖁᓪᓗᒋᑦ.

ᐃᓕᓐᓂᐊᕈᑎᐅᔪᒥᒃ ᐃᓕᓐᓂᐊᕌᓂᒍᑎᖃᖅᓯᒪᓕᖅᑐᑦ ᐊᔪᖖᒋᓐᓂᕆᔭᕆᐊᖃᖅᑕᒥᓐᓂᒃ ᐱᓯᒪᓕᕈᓐᓇᕐᓂᐊᕐᒪᑕ ᐊᖏᒡᓕᕙᓪᓕᐊᖏᓐᓇᖅᑑᓪᓗᓂ ᐊᕙᑎᓕᕆᓂᕐᒧᑦ ᐱᓕᕆᐊᖃᖅᑎᒻᒪᕆᐅᔪᓂᒃ ᐃᖅᑲᓇᐃᔭᖅᑎᑖᕈᒪᓕᖅᓯᒪᓂᕐᓄᑦ ᓲᕐᓗ ᐱᓕᕆᔨᐅᓂᕐᒧᑦ ᐱᕈᒃᑲᓐᓂᕈᓐᓇᖅᑐᓕᕆᔨᒃᑯᑦ ᐊᒻᒪᓗ ᐊᐅᓚᑦᓯᔨᒋᔭᐅᔪᓂ, ᐃᖃᓪᓕᕿᕙᓐᓂᕐᒥ ᐊᒻᒪᓗ ᐆᒪᔪᓂᒃ ᒥᐊᓂᕆᔭᐅᕝᕕᓕᕆᔨᒃᑯᓐᓂ, ᐊᕙᑎᐅᑉ ᒥᐊᓂᕆᔭᐅᓂᖏᓄᑦ ᐱᓕᕆᐊᖃᖅᑎᓂ, ᒥᕐᖑᐃᕐᓯᕐᕕᖕᓂᒃ ᐊᐅᓚᑦᓯᔨᐅᔪᓂ, ᐊᕙᑎᓕᕆᓂᕐᒥ ᖃᐅᔨᒋᐊᖅᑎᐅᕙᒃᑐᓂ, ᐊᒃᑕᑯᖁᑎᒋᔭᐅᔪᓂᒃ ᐊᐅᓚᑦᓯᓂᐅᕙᒃᑐᓂ, ᐊᕙᑎᓕᕆᓂᕐᒥ ᓱᓇᑐᐃᓐᓇᓂᒃ ᖃᐅᔨᓴᕐᓂᐅᕙᒃᑐᓂ, ᐊᒻᒪᓗ ᐊᕙᑎᓕᕆᓂᕐᒥ ᐃᓕᓐᓂᐊᕈᑎᒃᓴᐅᕙᒃᑐᓄᑦ ᑐᕌᖓᔪᓄᑦ.

ᓇᓂ

ᑖᓐᓇ ᐃᓕᓐᓂᐊᕈᑎᒃᓴᐅᓪᓗᓂ ᐱᓕᕆᐊᖅ ᐃᓕᓐᓂᐊᕈᑎᐅᓂᐊᖅᐳᖅ ᓄᓇᕗᑦ ᓱᓇᑐᐃᓐᓇᓂᒃ ᖃᐅᔨᓴᖅᑎᒃᑯᑦ ᐃᖅᑲᓇᐃᔭᕐᕕᖓᓐᓂ ᐃᖃᓗᓐᓂ.

ᐃᓯᕈᓐᓇᓂᕐᒧᑦ ᐊᑐᕆᐊᖃᖁᔭᐅᓯᒪᔪᑦ

ᐃᓚᒋᔭᐅᖃᑕᐅᔪᒪᓪᓗᑎᒃ ᑐᒃᓯᕋᐅᑎᖃᖅᑐᑦ ᑖᔅᓱᒧᖓ ᐃᓕᓐᓂᐊᖅᑎᑦᑎᓂᐅᔪᒧᑦ ᒪᑯᓂᖓ ᐱᓯᒪᔭᕆᐊᖃᖅᐳᑦ:

  • ᑐᒃᓯᕋᐅᑎᖏᑦ ᐃᓚᖃᖅᑎᓪᓗᒋᑦ ᐱᖓᓱᓂᒃ (3) ᑎᑎᖅᑲᓂᒃ ᐃᑲᔪᖅᓯᔾᔪᑎᐅᔪᓂᒃ ᐃᓕᓐᓂᐊᕈᑎᖃᕈᒪᔪᒧᑦ ᖃᐅᔨᒪᑦᑎᐊᖅᑐᓂᒃ ᐃᖅᑲᓇᐃᔮᕆᓯᒪᔭᖏᓄᑦ ᐊᒻᒪᓗ/ᐅᕝᕙᓘᓐᓃᑦ ᐊᔪᖖᒋᓐᓂᖃᕐᕕᒋᔭᖏᓄᑦ.
  • ᒍᕇᑦ 12-ᓂᒃ ᐃᓕᓐᓂᐊᕌᓂᒍᑎᖃᖅᓯᒪᓪᓗᓂ - ᐃᓚᒋᐊᕈᑎᖃᖅᓯᒪᒃᐸᑕ ᐃᓕᓐᓂᐊᕌᓂᒍᑎᖃᖅᓯᒪᓂᖏᑦ ᖃᓪᓗᓈᑎᑐᑦ, ᓈᓴᐅᑎᓕᕆᓂᕐᒧᑦ ᐊᒻᒪᓗ ᓱᓇᑐᐃᓐᓇᓂᒃ ᖃᐅᔨᓴᕐᓂᖃᖅᐸᓐᓂᕐᒧᑦ ᐱᐅᑦᑎᐊᕋᔭᑐᖅ. ᑐᒃᓯᕋᐅᑎᖃᖅᓯᒪᔪᑦ ᖁᓛᓂ ᐅᖃᖅᑕᐅᓯᒪᔪᓂᒃ ᐱᓯᒪᖖᒋᑦᑐᑦ ᐃᓱᒪᒋᔭᐅᓂᐊᕐᒪᑕ ᓯᕗᕐᖓᓂ ᐃᓕᓐᓂᐊᕈᑎᒋᓯᒪᔭᖏᑎᒍᑦ ᐊᒻᒪᓗ ᖃᐅᔨᒪᓐᓂᕆᔭᖏᑎᒍᑦ. ᐊᒻᒪᓗᑦᑕᐅᖅ ᖃᐅᔨᓴᖅᑕᐅᓯᒪᑎᑕᐅᓗᑎᒃ ᖃᐅᔨᓴᕈᑎᐅᕙᒃᑐᓂᒃ ᐋᖅᑭᒃᑕᐅᕙᒌᖅᓯᒪᓪᓗᑎᒃ ᖃᐅᔨᓴᖅᑕᐅᔭᕆᐊᖃᕋᔭᕆᓪᓗᑎᒃ ᖃᐅᔨᒪᓂᖏᓄᑦ ᖃᓪᓗᓈᑎᑐᑦ, ᓈᓴᐅᑎᓕᕆᓂᕐᒧᑦ ᐊᒻᒪᓗ ᓱᓇᑐᐃᓐᓇᓂᒃ ᖃᐅᔨᓴᕐᓂᓕᕆᓂᕐᒧᑦ ᐱᔾᔪᑎᖃᖅᑐᓂᒃ.
  • ᐊᒡᒐᒻᒧᑦ ᑎᑎᕋᖅᓯᒪᔭᕐᓂᒃ ᐃᓚᒋᔭᐅᖃᑕᐅᔪᒪᓂᕐᒧᑦ ᐊᕙᑎᓕᕆᓂᕐᒧᑦ ᐱᔾᔪᑎᖃᖅᑐᓄᑦ, ᐱᓕᕆᐊᕆᓯᒪᔭᕐᒧᑦ/ᐃᓕᓐᓂᐊᕈᑎᒋᓯᒪᔭᕐᒧᑦ ᖃᐅᔨᒪᓂᕆᔭᕐᓂᒃ ᐊᕙᑎᓕᕆᓂᕐᒧᑦ ᑐᕌᖓᔪᓄᑦ, ᐃᖅᑲᓇᐃᔮᒥᓐᓂ ᑐᕌᕐᕕᒋᔪᒪᔭᓄᑦ ᐊᒻᒪᓗ ᐱᓯᒪᓕᕈᒪᔭᓄᑦ, ᐊᒻᒪᓗ ᐊᓯᖏᓂᒃ ᑐᓴᒐᒃᓴᓂᒃ ᐊᑐᕐᓂᖃᕈᓐᓇᖅᑐᓂᒃ ᐊᒻᒪᓗ ᐃᑲᔪᕐᓂᖃᕋᔭᖅᑐᓂᒃ ᖃᐅᔨᒋᐊᖅᑕᐅᑎᓪᓗᒋᑦ ᐱᓕᕆᐊᒧᑦ ᐃᓚᒋᔭᐅᔪᓐᓇᕐᒪᖔᑕ.
  • ᑐᓂᓯᓯᒪᓗᑎᒃ ᐃᖅᑲᓇᐃᔮᖅᑖᕋᓱᐊᕐᓂᕐᒧᑦ ᑎᑎᖅᑲᖁᑎᓂᒃ ᐃᓗᓕᖃᖅᑐᓂᒃ ᐱᓕᕆᐊᕆᓯᒪᔭᓄᑦ, ᐃᓕᓐᓂᐊᕈᑎᒋᓯᒪᔭᓄᑦ, ᐊᒻᒪᓗ ᐊᔪᖖᒋᓐᓂᕆᔭᓄᑦ
  • ᑎᒥᒃᑯᑦ ᓇᐅᒃᑯᓕᒫᖅ ᖃᓄᐃᖖᒋᑦᑎᐊᖅᑑᓗᓂ

ᐃᓕᓐᓂᐊᕌᓂᒍᑎᖃᖅᓯᒪᓂᕐᒧᑦ ᑎᑎᖅᑲᖁᑏᑦ

ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᒃᑯᑦ ᐊᕙᑎᓕᕆᓂᕐᒧᑦ ᓴᓇᕐᕈᑎᒋᔭᐅᕙᒃᑐᓄᑦ ᐃᓕᓐᓂᐊᕌᓂᒃᓯᒪᐅᑎᑦ - 60-ᓂᒃ ᐃᓕᓐᓂᐊᕈᑎᒋᓯᒪᔭᓄᑦ ᐃᓚᒋᐊᕈᑎᐅᓯᒪᔪᑦ.

ᐃᓕᓐᓂᐊᖅᑐᑦ ᑮᓇᐅᔭᖁᑎᒃᓴᖃᖅᑎᑕᐅᕙᓐᓂᖏᑦ ᐊᒻᒪᓗ ᑮᓇᐅᔭᑎᒍᑦ ᐃᑲᔪᕈᑎᔅᓴᖅᑖᖑᕙᒃᑐᑦ

ᑖᒃᑯᓄᖓ ᐃᓕᓐᓂᐊᕈᑎᒃᓴᓄᑦ ᐱᓕᕆᐊᖅ ᑮᓇᐅᔭᖁᑎᒃᓴᖃᖅᑎᑕᐅᓯᒪᕗᑦ ᐊᒥᓱᕐᓚᐅᓪᓗᑎᒃ ᐱᓯᒪᓕᕐᕕᐅᕙᒃᑐᓂᑦ. ᐃᓕᓐᓂᐊᖅᑐᐃᑦ ᑮᓇᐅᔭᑎᒍᑦ ᐃᑲᔪᖅᑕᐅᔾᔪᑎᒃᓴᒥᓐᓂᒃ ᑐᒃᓯᕋᕐᓯᒪᔪᓐᓇᖅᐳᑦ ᓄᓇᕗᑦᒥ ᐃᓕᓐᓂᐊᖅᑐᑦ ᑮᓇᐅᔭᑎᒍᑦ ᐃᑲᔪᖅᑕᐅᔾᔪᑎᒃᓴᖏᓂᑦ (FANS) ᓄᓇᕗᑦ ᒐᕙᒪᖓᑕ ᐃᓕᓐᓂᐊᕐᓂᓕᕆᔨᒃᑯᖏᑎᒍᑦ ᐅᕝᕙᓘᓐᓃᑦ ᐊᕕᒃᑐᖅᓯᒪᓂᕐᒥᓐᓂ ᐃᓄᐃᑦ ᑲᑐᔾᔨᖃᑎᒌᖏᑎᒍᑦ.

ᐃᓕᓐᓂᐊᕈᑎᒋᔭᓄᑦ ᐃᓕᓐᓂᐊᕆᐊᒃᑲᓐᓂᕈᑎᑖᕆᔭᐅᔪᓐᓇᖅᑐᑦ

ᐃᓕᓐᓂᐊᕌᓂᒍᑎᑖᖅᓯᒪᓪᓗᑎᒃ ᐃᓕᓐᓂᐊᕌᓂᒃᓯᒪᔪᑦ ᐱᓯᒪᓕᖅᑎᑕᐅᔪᓐᓇᖅᐳᑦ 60-ᓂᒃ ᐃᓕᓐᓂᐊᕆᐊᒃᑲᓐᓂᕈᑎᔅᓴᓂᒃ ᐱᓯᒪᓕᕋᓱᐊᕐᓂᐊᕐᓗᑎᒃ BSC-ᓂᒃ (ᐃᓕᓐᓂᐊᕌᓂᒃᓯᒪᐅᑎᖃᖅᑐᓄᑦ ᐱᓕᕆᐊᒥᑦ) ᐊᓴᐹᔅᑲ ᓯᓚᑦᑐᖅᓴᕐᕕᖓᓂᑦ. ᒍᐃᓂᐲᒡᒥ ᓯᓚᑦᑐᖅᓴᕐᕕᖓ ᓈᒻᒪᒃᓴᐃᓯᒪᕙᒻᒪᑕ ᑎᑭᓪᓗᒋ5 45-ᓂᒃ ᐃᓕᓐᓂᐊᕆᐊᒃᑲᓐᓂᕈᑎᒃᓴᓂᒃ ᐃᓕᓐᓂᐊᕌᓂᒍᑎᑖᕋᓱᐊᖅᑐᓄᑦ BSc-ᓂᒃ ᓯᓚᕐᔪᐊᓕᒫᒥ ᐊᕙᑎᓕᕆᓂᕐᒥ ᓴᓇᕐᕈᑎᓕᕆᔾᔪᑎᓄᑦ. ᓕᐊᔅᐳᕆᔅ ᓯᓚᑦᑐᖅᓴᕐᕕᖓ ᓈᒻᒪᒃᓴᐃᓯᒪᑐᐃᓐᓇᕆᐊᖃᕐᒥᔪᑦ ᑎᑭᓪᓗᒋᑦ 20-ᓄᑦ ᐃᓕᓐᓂᐊᕈᑎᒃᓴᓄᑦ (60ᓂᒃ ᐃᓕᓐᓂᐊᕆᐊᒃᑲᓐᓂᕈᑎᒃᓴᖏᓄᑦ ᐃᑲᕐᕋᓄᑦ) ᐃᓕᓐᓂᐊᕌᓂᒃᓯᒪᐅᑎᖃᖅᑐᓄᑦ BSC-ᓂᒃ (ᐊᕙᑎᓕᕆᓂᕐᒥ ᓱᓇᑐᐃᓐᓇᓂᒃ ᖃᐅᔨᓴᕐᓂᖃᖅᐸᓐᓂᓕᕆᓂᕐᒧᑦ). ᐊᓯᖏᓄᑦ ᐊᑐᖅᑕᐅᔪᓐᓇᕐᒥᔪᑦ ᐊᑐᐃᓐᓇᐅᓕᖅᑎᑕᐅᓯᒪᒋᕗᑦ. ᐃᓕᓐᓂᐊᕆᐊᒃᑲᓐᓂᕈᑎᐅᔪᓐᓇᖅᑐᓂᒃ ᑐᓂᔭᐅᓯᒪᔪᑦ ᖃᐅᔨᒋᐊᖅᑕᐅᓂᖃᖅᐸᒃᑐᑦ ᐊᑐᓂ ᐃᓕᓐᓂᐊᖅᑐᓄᑦ

ᐃᖅᑲᓇᐃᔮᖅᑖᕆᔭᐅᔪᓐᓇᖅᑐᓄᑦ ᐱᓯᒪᓕᕆᐊᕈᓐᓇᕐᓃᑦ

ᐃᓕᓐᓂᐊᕌᓂᒍᑎᑖᖅᓯᒪᔪᑦ ᐊᕙᑎᓕᕆᓂᕐᒥ ᓴᓇᕐᕈᑎᒋᔭᐅᕙᒃᑐᓄᑦ ᐱᓕᕆᐊᒥᒃ ᐃᖅᑲᓇᐃᔮᖅᑖᖃᑦᑕᕐᓯᒪᓕᕐᒪᑕ ᐅᑯᓇᓂ ᑲᑐᔾᔨᖃᑎᒌᒋᔭᐅᔪᓂ:

  • ᓄᓇᕗᒻᒥ ᐆᒪᔪᓕᕆᔨᒃᑯᑦ ᐃᖅᑲᓇᐃᔭᕐᕕᖓᓐᓂ, ᐊᕙᑎᓕᕆᓂᕐᒥ ᒥᐊᓂᖅᓯᔨᐅᓂᕐᒧᑦ, ᐆᒪᔪᓕᕆᓂᕐᒥ ᓴᓇᕐᕈᑎᓕᕆᔨᐅᓂᕐᒧᑦ, ᐊᒻᒪᓗ ᐊᒥᓱᓄᑦ ᐊᓯᖏᓂ ᐃᓂᖃᓕᕐᕕᐅᔪᓐᓇᕐᒥᔪᓂ,
  • ᐊᕙᒪᑕᑐᖃᒃᑯᓐᓂ ᐃᖅᑲᓇᐃᔭᕐᕕᐅᔪᓂ ᓲᕐᓗ ᐃᖃᓪᓕᕿᔨᑦ ᐊᒻᒪᓗ ᑕᕆᐅᕐᒥᐅᑕᓕᕆᔨᒃᑯᓐᓂ (DFO), ᑲᓇᑕᒥ ᒥᕐᖑᐃᕐᓯᕐᕕᓕᕆᔨᕐᔪᐊᒃᑯᓐᓂ, ᐊᒻᒪᓗ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᔨᒃᑯᑦ ᑲᓇᑕᒥ (INAC),
  • ᐊᔾᔨᒌᖖᒋᐅᖅᑐᓂ ᑲᑎᒪᔨᐅᔪᓂ ᐊᒻᒪᓗ ᓴᓇᕝᕕᐅᔪᓂ ᓲᕐᓗ ᓄᓇᕗᑦ ᓱᓇᑐᐃᓐᓇᓂᒃ ᖃᐅᔨᓴᖅᑎᒃᑯᖏᓐᓂ (NRI), ᓄᓇᕗᑦ ᐊᒃᑐᐃᓯᒪᓕᖅᐸᓐᓂᕐᓄᑦ ᕿᒥᕐᕈᐃᔨᒃᑯᑦ ᑲᑎᒪᔨᖏᓐᓂ (NIRB), ᓄᓇᕗᑦ ᐆᒪᔪᓕᕆᔨᑦ ᐊᐅᓚᑦᓯᔨᖏᑕ ᑲᑎᒪᔨᖏᓂ (NWMB), ᐊᓯᖏᓐᓂᓗ,
  • ᑲᓇᑕᓕᒫᒥ ᐊᒻᒪᓗ ᐊᕕᒃᑐᖅᓯᒪᓂᐅᔪᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ

ᐃᓕᓐᓂᐊᕈᑎᒃᓴᓄᑦ ᓇᓗᓇᐃᔭᐅᑎᑦ

<ᐅᓇ ᓇᕿᓪᓗᒍ ᐊᒧᓯᒋᐊᕈᑎᒃᓴᖅ ᐃᓕᓐᓂᐊᕈᑎᒃᓴᓄᑦ ᓇᓗᓇᐃᔭᐅᑎᓂᒃ ᑖᒃᑯᓄᖓ ᐱᓕᕆᐊᓄᑦ ᑎᑎᕋᖅᑕᐅᓯᒪᔪᑦ PDF-ᖑᖅᑎᑕᐅᓯᒪᓪᓗᑎᒃ.

ᐅᓇ ᓇᕿᓪᓗᒍ ᖃᕆᑕᐅᔭᑎᒍᑦ ᕖᔅᐳᒃᓂ ᒪᒃᐱᕋᖁᑎᒋᔭᕗᑦ ᑕᑯᒋᐊᕐᓂᐊᕐᓗᒋᑦ.

Copyright 2008-2016 Nunavut Arctic College. All rights reserved.
For more information on our programs and courses, contact the Registrar's Office at 1-866-979-7222

Top Desktop version